Karneval 2023

Mit dem Lied der Bläck Fööss geh ich gern mit Euch und Ihnen in die tollen Tage hinein. ‚Halt Pohl‘, und nicht vergessen, auch in der bevorstehenden Fastenzeit wirkt ein Lächeln, das wir anderen schenken, Wunder.

• Wo es dann bloß mi Laache, dat ich als kleine Panz ens hatt?

Verlore en dä Johre irjendwo un irjendwann he en dä Stadt.

Laache, esu wie fröher, einfach su, us vollem Hals un voller Loss,

fröher dät dat klappe, wie et jing, domols han ich et jewoß.

Hück klingk et fass better, klingk falsch un nit mih vertraut.

Ich merk et jo ald selver, mi Laache, dat klingk vill ze laut.

2. Wo es dann bloß dat Staune un die Freud üvver’n Kleinigkeit?

Jeheimnisvolle Dinge jitt et lang nit mih, mer weiß jo Bescheid.

Ich wor Tarzan, dä kleine Prinz, han met Robin Hood die Schläächte jehetz,

dät em Draum noch des naaks för alles kämpfe voller Moot met mingem kleine Hätz.

Ich dät dich beschütze, denn dat jrößte Wunder dat wors du.

Schlofe allein em Büdche un sich föhle su wie Winnetou.

3. Wo es dann bloß mi Metleid, dat ich als kleine Panz ens hatt?

Verlore en dä Johre, irjendwie afjestumpf un ze satt.

Dat Metleid met dem Vuggel, dä mich ansoh, weil hä nit mih fleje kunnt.

Ich kunnt em och nit helfe, doch hä fohlt, dat ich si Leid verstund.

Ävver ich fing et widder, mi Laache, ich jläuve dodran.

Ich weiß jo, et weed jelinge, wenn ich widder staune kann un Metleid han.

Jo mi Laache, dat fing ich widder, wenn ich widder staune kann un Metleid han.

Musik: E. Hernes; Text: H. Knipp